The tradition & historical record
2 min read · 2 sourcesDodol Betawi (hurup Arab Gundul: دودول بتاوى) entu makanan has anak Betawi Dodol Betawi warnanya item rada coklat. Pastinya, kudu ada di rumanya pas lagi lebaran atawa kalo ada hajatan. Di berapa tempat, ni dodol Betawi juga' digero kué raja (hurup Arab Gundul: کوى راج). 1
macem rasa nyeng digablegin ama dodol Betawi cuman ndikit ketimbang deri daèrah laèn. Rasa dodol Betawi cuma keitung keran puti, ketan item, ama durèn. Pengejaan dodol Betawi hèsè' bener. Ba'annya entu ketan, gula méra, gula pasir, ama santen nyeng kudu dimasak di atas dapur nyeng maké kayu selama lapan jem. Dodol Betawi lajim dikeja bakal makanan keriaan, Romadon, Lebaran, atawa Lebaran Haji. Utamanya pas mao Lebaran, dodol Betawi ludes pada kejual. Ngejanya hèsè' punya lantaran, cumang ndikit orang nyeng gableg ngeja dodol Betawi. Cenggableg berapa daèrah di Jakarta ama kulilingnya nyeng masing ngeja dodol Betawi, uramanya di amprogan masarakat Betawi, kaya' di Condèt, Jakarta Wètan, Bogor, ama Bekasi. Selaèn warga Betawi, dodol Betawi, gè', dikeja ama orang-orang Tionghoa peranakan nyeng kesawaban budaya betawi. 1
Cara ngeja
Dodol Betawi dibikin deri bahan-bahan santen, tepung beras ketan, ama gula. Ada juga nyang dikasi panili biar tambah sedep dah rasanya. Cara pembuatannya tinggal tu semua bahan tadi dicampur jadi atu di kuali gedé atawa kekèncèng atawa kèncèng. Masaknya mah tibang manasin api rada kecil bagèn matengnya rata' dah tu paké tungku kayo bakar atawa malahan cuman paké blarak. Adonan kudu diudek-udek terus, biar matengnya rata. Dalem pembikinan dodol Betawi, dibutuhin tenaga beberapa orang, meski cumen tetangga-tetangga aja. Ni kerna pengudekannya nyang pepes selama 7 jem. Mancan udah mao mateng, dodol bakalan mulain lèngkèt, tapi tetep kudu diudek terus, sebab kalo kaga' diudek entar rasanya kaga' sedep. Ada juga anter tetangga nyang pada patungan bakal bahan-bahannya. Entar kalo dodolnya jadi, tu dodol bakalan dibagi rata dah. 1
The text above is adapted from the Wikipedia article “Dodol Betawi”, available under the Creative Commons Attribution-ShareAlike 4.0 licence. 1
Dodol betawi is Typical Food in Indonesia, according to the structured record cited below. This entry was generated automatically from that record and has not yet been reviewed by a person familiar with the tradition. 2
The source record links this tradition to 1 external register, which can be verified through the citation. 2