Gabus lengkio entu masakan nyeng dikeja deri gabrekan ikan asin gabus, ditamba ama sayur, kaya' bontèng ama lengkio. Ni rasa sambel lengkio atawa lokio rada béda. Sengkilang, bumbunya ditumis, seger pisan masing gènèng.
Gabus lengkio entu masakan nyeng dikeja deri gabrekan ikan asin gabus, ditamba ama sayur, kaya' bontèng ama lengkio. Ni rasa sambel lengkio atawa lokio rada béda. Sengkilang, bumbunya ditumis, seger pisan masing gènèng. warna ni masakan kebanyakan konèngnya soalnya maké kunyit nyeng jadi atu ba'an bumbu alusnya. Lengkio atawa lokio entu nama latènnya Allium schoenoprasum. Dia punya bentuk kaya' daon bawang ama kucay. Selaèn gableg rasa nyeng rada béda, lengkio, gè', gableg banyak mangpaat bakal kewarasasn, mulain deri ngeja mungga ingetan ampé jadi penangkal kangker. Dalem lengkio, cenggableg jat-jat nyeng bagus bakal awak, kaya' pitamin A, B6, C, K, kalsium, magnèsium, ama serat. Selaènnya, lengkio, gè', gableg jadi sumber penangkal penyakit, kaya' flavoid ama saponin.
Sambel lengkio jadi atu makanan kas deri Betawi nyeng duluan bekèn, uman wayah gini uda mulain rada susa dicari. Mangkanya, banyak warung-warung husus masakan Betawi nyeng masing njual ni makanan soalnya rasanya nyeng ènak, apalagi dimakannya siang-siang bareng kongco kulawarga. 1
Rendem ikan asin gabus dalem aèr panas.
Cuci bersi terus tirisin.
Gorèng ke minyak nyeng uda panas ampé separo mateng.
Tumis tu semua bumbu alus ampé wangi.
Pasupin cabé ama lengkio, masak ampé layu.
Pasupin tu ikan asin.
Tambain aèr ama gula biar pas.
Masak ampé aèrnya tiris. 1
The text above is adapted from the Wikipedia article “Gabus lengkio”, available under the Creative Commons Attribution-ShareAlike 4.0 licence. 1
gabus lengkio is recorded in open cultural data. The structured record cited below does not describe the practice, and this entry has not yet been reviewed by a person familiar with the tradition. 2
