Maipi Mela

The tradition & historical record

ମାଇପି ମେଳା, ଚୈତ୍ରମାସ କୃଷ୍ଣ ପକ୍ଷ ଚତୁର୍ଦ୍ଦଶୀ ତିଥିରେ ଖୋର୍ଦ୍ଧା ଜିଲ୍ଲାର ବାଲିପାଟଣା ବ୍ଲକ ଅନ୍ତର୍ଗତ ନରିଶୋ-ଛିଟିକଣା ମୌଜାର ବନବିହାରୀଙ୍କ ପୀଠରେ ଅନୁଷ୍ଠିତ ହୋଇଥାଏ । ବର୍ଷ ବର୍ଷଧରି ସନ୍ତାନପ୍ରାପ୍ତି ଓ ମାନସିକପୁରଣ ଆଶାରେ ଏଠାରେ ବହୁ ସଂଖ୍ୟକ ମହିଳାଙ୍କ ସମାଗମ ହେଉଥିବାର, ମେଳାର ଏପରି ନାମକରଣ ହୋଇଛି । ଏକ ଅଚିହ୍ନା ଗଛ, ଶଗଡ଼ ବାଟୁଆ ଓ କଣ୍ଟାକୋଳି ଲଟାକୁ ବହବିହାରୀଙ୍କ ରୂପରେ ପୂଜା କରାଯାଏ । ପୂଜାରେ ମହିଳାମାନେ ହିଁ ମୁଖ୍ୟ ଭୂମିକା ନିର୍ବାହ କରିଥାନ୍ତି । ପୂଜା ପୂର୍ବଦିନ ରାତିରୁ ଶ୍ରଦ୍ଧାଳୁମାନେ ଆସି ବନବିହାରୀଙ୍କ ପାଖରେ ଅଧିଆ ପଡିଥାନ୍ତି । ରାତିଅଧରୁ ଗାଧୁଆପାଧୁଆ ସାରି, ନୂଆ ଲୁଗାପିନ୍ଧି ନଡ଼ିଆ ଓ ଗୁଆ ମୁଣ୍ଡରେ ରଖି ଶ୍ରଦ୍ଧାଳୁମାନେ ମାନସିକ କରିଥାନ୍ତି । ପୂଜାଦିନ ଦ୍ୱିପହର ବେଳକୁ ପୂଜକ ମାନସିକଧାରୀଙ୍କୁ ଜଳ ଓ ତୁଳସୀଦେଇ ଅଧିଆରୁ ଉଠାଇଥାନ୍ତି । ଦିନସାରା ଶ୍ରଦ୍ଧାଳୁମାନେ ଉପବାସକରି, ଠାକୁରଙ୍କୁ ଚୁଡ଼ାଘଷା ଭୋଗ ଓ ପତାକା ଦାନ କଲାପରେ ଅନ୍ନଜଳ ସ୍ପର୍ଶ କରନ୍ତି । ଗବେଷକମାନଙ୍କ ମତରେ ଗଛକୁ ପୂଜା କରିବାର ଏହି ପରମ୍ପରା ୧୮୨୭ମସିହାରୁ ଆରମ୍ଭ ହୋଇଥିଲା । ମେଳାଟି ତିନିଦିନ ଧରି ଚାଲେ ।

The text above is adapted from the Wikipedia article “ମାଇପି ମେଳା”, available under the Creative Commons Attribution-ShareAlike 4.0 licence.

Maipi Mela is Odia festival, according to the structured record cited below. This entry was generated automatically from that record and has not yet been reviewed by a person familiar with the tradition. ¹