The tradition & historical record
2 min read · 2 sources‘n Oblietjie is ‘n klein, dun, ronde wafel opgerol tot ‘n horinkie. Die bestanddele is meelblom, sout, eiers, bruinsuiker, speserye (veral kaneel), nartjieskil, botter en witwyn (soms brandewyn). Oblietjies het naasteby dieselfde bestanddele en smaak as outydse soetkoekies. Omdat dit met ‘n spesiale langsteel-toeklappannetjie met aantreklike patroontjies, bekend as die oblietjieyster, gebak is, het die dun koekie soms ‘n mooi patroon verkry. Nadat die deegballetjie, wat omtrent so groot soos ‘n okkerneut is, in die oblietjiepan – wat moontlik uit Swede ingevoer is – oor die kole gebak is, is dit op ‘n behendige wyse deur die kok in die vorm van ‘n horinkie of trompetjie gedraai. Alhoewel oblietjies van Franse oorsprong is, was dit reeds aan die Kaap bekend voor die koms van die Hugenote. 'n Resep daarvoor het in 1668 in De verstandige kock verskyn. Die 17de eeuse Hollandse onthaalgebruike het hul stempel op die Kaapse kookkuns gelaat. Dus as daar kuiermense was, is die oblietjies met geklitste room en heuning tydens teetyd bedien. Die naam oblietjie stam uit die Middeleeue. Die woord kom van die Rooms-Katolieke kerk se gebuik van die Latynse woorde “hostia oblata” vir hul Nagmaalsbrood. Dit wil voorkom asof oblietjies tot aan die begin van die twintigste eeu ‘n bekende en gewilde lekkerny kon wees. In die 1908-weergawe van haar boek Di Suid Afrikaanse kook-, koek- en resepte Boek, gee die skrywer mejuffrou E.J. Dykman, drie resepte vir ‘oblitjiis’. 1
Bronne
Claasens, H.W. (2006). Die geskiedenis van Boerekos 1652 - 1806. Pretoria: Pretoria Boekhuis. ISBN 1 86919 106 4. Coetzee, Renata (1977). Spys en drank. Kaapstad: Struik Uitgewers. ISBN 0 86977 082 0 Dykman, E.J. (1908). Di Suid Afrikaanse kook-, koek- en resepte boek. Paarl: Paarl Drukpers. 1
Eksterne skakels
resep op kookkuns.com 1
The text above is adapted from the Wikipedia article “Oblietjie”, available under the Creative Commons Attribution-ShareAlike 4.0 licence. 1
Oblietjie is traditional South African food, according to the structured record cited below. This entry was generated automatically from that record and has not yet been reviewed by a person familiar with the tradition. 2
The source record links this tradition to 1 external register, which can be verified through the citation. 2