Tari Baluse

The tradition & historical record

Tari Baluse wit saking Nias Selatan, Sumatra Utara. Baluse ring basa Nias mateges 'perisai'. Tari puniki karipta duaning manut sejarah nguni, puniki pinaka simbol bala waduané nénten prasida menang ring payuddan saha nyinahang tata manggalan parajana Nias. Ring aab punika, soang-soang désa maderbé asiki manggala sané kawastanin raja. Tari puniki mawit saking carita yasakértin para panglingsirné rikala ngarepin payuddan. Tari puniki ketah kasolahang sajeroning parikrama penting miwah resmi, inggihan punika panyanggran tamiu miwah para wisatawan. Tari punika taler ketah kawastanin tari Fataele. Tari puniki kabaktayang olih pragina sané lanang-lanang pinaka cihna sang wadua sané nganggén busana payudan barak sareng kuning. Pragina tari baluse kalaksanayang sareng roras (12)diri pragina sareng adiri manggala sané ngicén aba-aba. Perisai Baluse mapiranti antuk kayu sané marupa don biu saha kagemel ring tangan kiwa anggén nungkasin meseh, tumbak sané wénten ring tangan tengen kanggén nglawan meseh. ¹

Ring sor puniki makudang-kudang piranti sané kanggén ring Tari Baluse. ¹

Toho utawi tumbak, panjangné sawetara kalih méter. Dumun kanggén pinaka sanjata anggén nglurug meseh. Ketahnyané Toho kagemel ring tangan tengen pragina, sakéwanten tangan kiwané makta Baluse. Pedang Tologu. Pedang punika dumun kanggén rikala mayuda nglawan meseh. Mahkota utawi topong payudan, silih tunggil piranti sané patut kanggé ring tari puniki. Busan. Para pragina nganggén busana payudan warna kuning, barak, miwah selem. Busana payudan punika kakapah dados kalih inggih punika busana ring tengah miwah sisiné nganggé rompi payudan. Ring sor nganggé celana, panjangné ngangtos wates entug saha mawarna selem miwah barak. ¹

Sané kapertama kawangun formasi panjang madérék antuk genah komandan utawi sang sané pinaka manggala pinih ajeng saha marep ka pragina tiosan. Wiraga sané kapertama inggih punika cokorné ka ajeng ka ungkur saha kagejerang ka tanah miwah kairing antuk wiraga tangan sané nganutin wiragan cokor. Sawusan formasi madérék, manggala yudda jagi ngicén aba-aba ngwangun formasi bunderan saha pacang kawiragayang magentos olih pragina. Runtutan puniki kalaksanayang mapasang-pasangan, sakadi anak sané sedek mayuda. Wiraga ring dudonan puniki inggih punika silih tunggil pragina nglawan antuk tumbak saha silih tunggil né tiosan matetangisan antuk perisai Baluse, dudonan punika kalaksanayang magentosan. Sasuén sasolahan punika kalaksanayang, manggala yudda ngelurin utawi nembangang kruna-kruna sané nyinahang semangat pragina. Sasolahan puniki mangdané kalaksanayang ring lapangan linggah. ¹

The text above is adapted from the Wikipedia article “Tari Baluse”, available under the Creative Commons Attribution-ShareAlike 4.0 licence. ¹

Tari Baluse is recorded in open cultural data. The structured record cited below does not describe the practice, and this entry has not yet been reviewed by a person familiar with the tradition. ²

The source record links this tradition to 2 external registers, which can be verified through the citation. ²