telor gabus

The tradition & historical record

Telor Gabus (hurup Arap gundul: تلور ݢابوس) nya'entu atu kuèh khas Betawi nyang kamprahnya nongol pas waya lebaran Idulpitri. Telor gabus ada dua rupa macemnya, nya'entu telor gabus nyang manis ama telor gabus biasa (rasa orisinil). Enni kuèh bentukannya panjang-panjang lonjor-lonjor ama lancip di pas ujung-ujungnya. Rasanya garing empuk ama kaya' rada lèèh pas dimakan di mulut. Kaya' kamprahnya bebandos laènnya, kuèh telor gabus gé dikejanya dari bahan tepung bakal bahan nyang utama. ¹

Enni bahan-bahan nyang dipaké bakal ngeja telor gabus: ¹

Bahan utama: tepung sagu, telor, blubèn, garem (bakal secukupnya baé), gula (sekutit). Bahan tambahan: gula, aèr putih, daon pandan (kalu mao ngeja manis) biji wijèn, ama sepuhan (kalo mao ngeja warna-warni). ¹

Telor gabus ora bisa dikeja sembarangan entakan supaya kaga' bantut. Salah-salah ngeja telor gabus entar malah keras atawa amis dari telornya. Begini cara ngeja telor gabus: ¹

Kocok telor ampé ngembang ama bebusah biar entar pas udah jadinya dia empuk, èntèng, ama garing krauk-krauk. Telor nyang dipaké bakal telor gabus kudu banyak. Pasupin tepung sagu, aduk-aduk èn adonin ampé kalis. Sembari entu, pasupin blubèn bari dibejek-bejek ke adonannya biarin kecampur rata. Kasih garem bari jajalin rasanya ampé pas. Ulènin adonannya ampe kalis. ¹

Telor gabus dibentuk sembari digorèng langsung di atas minyak panas, ora dicitak-citak duluan ama ditaro di loyang. Mentakan kudu ati-ati ngejanya. Enni di bawah entu caranya bakal ngegorèng telor gabus. ¹

Borèhin tangan maké minyak sayur bagèn entu adonan jadi ora lèngkèt. Siapin minyak nyang banyak sekuali biar bisa ngerendem entu telor gabus pas digorèng. Ambil secuil adonan bakal dicitak di tapak tangan. Cara nyitaknya nya'entu digèsèk-gèsèk di telapakan tangan ampé melintir-melintir keja lonjor-lonjoran. Abis entu, cemplungin entu telor gabus ke minyak. Minyakah bolèh udah panas atawa masing adem gé ora ngapah. Jerang kuali entu èn gorèng telor gabus sembari terus diaduk paké samsih atawa sérokan. Telor gabus kudu sering diaduk-aduk supaya ora pada nèmpèl. Gorèng telor gabus sembari dibolak-balik ampé kambang ama ngembang. Antepin terus gorèng ampé rada dekil dikit warnanya, ora bening-bening bangat. Angkat telor gabus paké sérokan terus gelarin di tampah. Sarapin maké daon atawa keretas supaya minyakah tiris keserep. Antepin ampé adem. ¹

Telor gabus manis dikeja dari telor gabus biasa, cuman entar abis digorèng lagi maké gula caèr. Masak enni gé kudu cepet supaya gulanya ora keburu keras atawa gosong di kuali. Caranya kaya begini: ¹

Jerang kuali, masupin aèr, gula, ama daon pandan selembar nyang udah diiket. Aduk-aduk gula ampé lèèh ama ngegolak. Pasupin telor gabus nyang udah dikeja ke dalem gula nyang ngegolak, aduk-aduk ampé kecampur rata. ¹

The text above is adapted from the Wikipedia article “Telor gabus”, available under the Creative Commons Attribution-ShareAlike 4.0 licence. ¹

telor gabus is recorded in open cultural data. The structured record cited below does not describe the practice, and this entry has not yet been reviewed by a person familiar with the tradition. ²