The tradition & historical record
1 min read · 2 sourcesབོད་ཟླ་ལྔ་པའི་ཚེས་བཅོ་ལྔའི་ཉིན་གར་ལྷ་ས་བ་ཚོས་འཛམ་གླིང་སྤྱི་བསངས་ཟེར་མཁན་ལྷ་གསོལ་ཡག་གི་དུས་ཆེན་བཏང་གི་རེད། ཉི་མ་དེར་གཟབ་སྤྲོས་བཏང་ནས་བསངས་བཏང་པ་དང་། གླིང་གའི་ནང་ལ་གུར་བརྒྱབ། ཆང་བཏུངས་། ཁ་ལག་རྒྱས་པོ་ཞེ་དྲགས་བཟས་བྱས་གཞས་རྣམ་ཐར་བཏང་བྱས་བསྡད་ཀྱི་རེད། 1
མིང་འབྱུང་ཚུལ།
མཆོད་པ་ཆེན་པོ་བཞིའི་ཡ་གྱལ་དུ་གྱུར་པའི་མཛད་སྒོ་དེ་ནི་མི་ལོ་སྟོང་གི་གོང་སྟེ། མཁན་སློབ་ཆོས་གསུམ་གྱི་སྐུ་དུས་སུ། དཔལ་བསམ་ཡས་ལུགས་གསུམ་མི་འགྱུར་ལྷུན་གྱིས་གྲུབ་པའི་གཙུག་ཁང་ལག་ཁང་གསར་བཞེངས་ལེགས་གྲུབ་བྱུང་ནས། སྐྱེ་བོ་མཆོག་དམན་ཡོངས་ཀྱིས་དེ་ཕྱིར་དགའ་སྟོན་རྒྱ་ཆེ་གཟབ་རྒྱས་གནང་བ་དང་འབྲེལ། གུ་རུ་པད་མ་འབྱུང་གནས་ཀྱིས་ལྷ་སྲིན་གདུག་པ་ཅན་དམ་ལ་བཏགས་པའི་དུས་དང་བསྟུན་ནས། འཛམ་བུ་གླིང་གི་དཀར་ཕྱོགས་སྐྱོང་བའི་ལྷ་ཀླུ་ཡུལ་ལྷ་གཞི་བདག་ཀུན་ལ་བསང་གི་བརྔན་པའི་དུས་བཟང་དེར། འཛམ་གླིང་སྤྱི་བསང་ཞེས་སུ་གྲགས། 1
ལོ་རྒྱུས།
དུང་དཀར་ཚིག་མཛོད་ཆེན་མོ་ལས་དྲངས། གཙོ་བོ་བོད་དབུས་གཙང་ཁུལ་དུ་བོད་ཟླ་ལྔ་པའི་ཚེས་བཅོ་ལྔར་འཛམ་གླིང་སྤྱི་བསང་ཞེས་པའི་དུས་སྟོན་ཞིག་གཏོང་སྲོལ་ཡོད་ཅིང༌། དེ་ནི་ཟླ་བ་ལྔ་པ་སྤྲེལ་ཟླ་དེར་གུ་རུ་མཚོ་སྐྱེས་རྡོ་རྗེས་བོད་ཀྱི་ལྷ་འདྲེ་ཐམས་ཅད་དམ་ལ་བཏགས་ནས་ལས་བསྐུལ་བས་བསམ་ཡས་ལེགས་བསྒྲུབས་ཟིན་པའི་གཏང་རག་ཏུ་ཧས་པོ་རིའི་རྩེར་རྒྱགས་རྔན་ལྷ་བསང་གི་འདོན་ཆོས་བརྩམས་ཏེ་བསང་མཆོད་རྒྱ་ཆེར་གནང་བའི་དུས་ཚོད་དང༌། མུ་ནེ་བཙན་པོས་ཆོས་འཁོར་གསུམ(ལྷ་ས། ཁྲ་འབྲུག བསམ་ཡས)ལ་སྡེ་སྣོད་གསུམ་གྱི་མཆོད་རྒྱུན་བཙུགས་པའི་ཡ་གྱལ་ལྷ་ས་འདུལ་བའི་མཆོད་པ་ཞེས་གྲགས་པ་དེའི་ལམ་སྲོལ་འཛིན་པའི་རྗེས་དྲན་གྱི་ཟླ་བ་དེའི་ཡར་ངོའི་ཚེས་ཆ་གང་བཟང་ཞིག་ལ་གཞུང་ཕྱོགས་ཀྱིས་དབྱར་གསོལ་ཞེས་གནས་ཆུང་ཆོས་རྒྱལ་ཆེན་པོ་དང༌། དགའ་གདོང་ཤིང་བྱ་ཅན་སོགས་གཞུང་བསྟེན་བསྟན་སྲུང་རྣམས་ལ་གཟབ་གསོལ་ལྷ་ཚེས་རྒྱས་པ་དང་འབྲེལ་རྩེའི་སྐུ་ཚབ་མཁན་ཆེ་དང༌། ཡིག་ཚང་ནས་སྦུག་དམ་ལུང་ཞུ། སྒྲོན་དར། བཀའ་བློན་གྱིས་གཙོས་ཤོད་སྐོར་ཡོངས་རྫོགས་ཕེབས་ཏེ་ཆོས་སྐྱོང་ཆེན་པོར་སྒྲོན་དར། ཞལ་ཇ་གསེར་ཕུད་སོགས་འབུལ་གནང་གིས་རྒྱལ་བསྟན་ཆབ་སྲིད་སྐོར་བཀའ་ལུང་བསྩལ་ཏེ་གཞུང་ཞབས་རྣམས་ཕྱིར་ལོག དབྱར་གསོལ་རྗེས་འབྲེལ་དགའ་སྟོན་གྱི་སླད་ལས་ཁུངས་སོ་སོས་སྤྲོ་ཆུང་ཉིན་གསུམ་ནས་ལྔའི་བར་གཏོང་སྲོལ་ཡོད་པ་བཅས་ཀྱི་ཐོག་དུས་དེར་ལྷ་ས་ཁུལ་དུ་གནམ་གཤིས་དྲོ་ལ་རྩི་ཤིང་ལོ་འདབ་རྒྱས་པ། མེ་ཏོག་བཞད་ཅིང་ཆརརྒྱུན་གྱི་འགོ་ཚུགས་པ། ཁུ་བྱུག་གི་གྲེ་འགྱུར་རྣ་བར་འཇེབས་པ། ཞིང་ལས་བྲེལ་བ་འཇགས་ཐོག་ཟས་རིགས་སོས་པ་ཁྲོམ་རར་དོན་པ་སོགས་ཀྱི་སྐབས་ཡིན་པས་གྲོང་ཁུལ་ཁོར་ཡུག་གི་གླིང་ཁ་རྣམས་སུ་དབྱར་སྐྱིད་སྤྲོ་གསེང་ལ་རོལ་བའི་སྐྱེ་བོ་རྣམས་གུར་རམ་རས་ཡོལ་གྱིས་བསྐོར་ནས་ཞིམ་མངར་བཟའ་བཏུང་ལ་རོལ་བཞིན་པར་སྙན་འཇེབས་ལྡན་པའི་རོལ་དབྱངས་ཀྱི་ཁྲོད་དུ་གཞས་དང་ཞབས་བྲོས་ཁེངས་པ་དང༌། ལ་ལས་གུར་ནང་ཞག་སྡོད་ཉིན་བཅུ་གྲངས་ཀྱང་བྱེད་ཀྱི་ཡོད། ལྷག་པར་ཚེས་བཅོ་ལྔ་ཉིན་ལྷ་སའི་སྐུ་རྟེན་ཡོད་རིགས་ལ་ཁུངས་སོ་སོ་ནས་སྐུ་གསོལ་ཞུ་བ་དང༌། ལྷ་ས་བ་རྣམས་ཀྱིས་རྒྱན་གོས་གཟབ་འཕྱོར་གང་ལེགས་སྤྲས་ཏེ་དཔལ་ལྷ་ལྕོག་དང༌། གཙང་པོའི་འགྲམ། གླིང་བསྐོར། རི་རྩེ་སོགས་སུ་བསྐྱོད་དེ་ལྷ་སྲུང་སྤྱི་ལ་བསང་གསོལ་གཟབ་རྒྱས་བྱེད་པ་དང་འབྲེལ་ལྷ་སའི་ཉེ་འ… 1
ཀརྨ་པ་རང་བྱུང་རྡོ་རྗེས་མཛད་པའི་འཛམ་གླིང་སྤྱི་བསང
ཀྱེེ། སྔོན་གྱི་བསྐལ་པ་དང་པོ་ལ། ། བསང་གི་རྒྱུ་ནི་ཇི་ལྟར་སྲིད། ། སྐྱེ་མེད་སྤྲོས་བྲལ་སྟོང་པ་ལ། ། འགགས་མེད་འཁོར་ལོ་བསྒྱུར་རྒྱལ་ཤར། ། སྐྱེ་འགགས་གཉིས་མེད་རོལ་པ་ལ། ། མཁའ་ལ་རླུང་བརྟེན་འབྱུང་བ་རིམ་བཞིན་ཆག །ཕྱི་སྣོད་འཇིག་རྟེན་གཞལ་ཡས་རང་གྲུབ་ལ། ། ནང་བཅུད་སེམས་ཅན་བྱང་ཆུབ་སྙིང་པོར་གྱུར། ། སྤྲུལ་པའི་ལྷ་རྣམས་འགྲོ་བའི་དོན་ལ་བྱོན། ། རི་རབ་རི་བདུན་རང་བཞིན་ལྷུན་གྱིས་གྲུབ། ། རོལ་པའི་མཚོ་བདུན་སྨོན་ལམ་སྟོབས་ཀྱིས་ཆགས། ། མེ་ཤེལ་ཆུ་ཤེལ་སྣང་སྲིད་དཀར་དམར་ཤར། ། སྤོས་རི་ངད་ལྡན་འཛམ་བུ་གླིང་གི་རི། ། རི་བོ་དེ་ཡི་ཤར་ཕྱོགས་ན། ། ཤིང་ནི་བ་ལུ་དཀར་པོ་སྐྱེས། ། རི་བོ་དེ་ཡི་ལྷོ་ཕྱོགས་ན། ། ཤིང་ནི་གསེར་སྟག་སེར་པོ་སྐྱེས། ། རི་བོ་དེ་ཡི་ནུབ་ཕྱོགས་ན། ། ཤིང་ནི་ཙན་དན་དམར་པོ་སྐྱེས། ། རི་བོ་དེ་ཡི་བྱང་ཕྱོགས་ན། ། ཤིང་ནི་ལོ་བཟང་ཤུགས་པ་སྐྱེས། ། རི་བོ་དེ་ཡི་ནུབ་བྱང་ན། ། ཤིང་ནི་དེ་ཝ་ཌྰ་རུ་སྐྱེས། ། རི་བོ་དེ་ཡི་བྱང་ཤར་ན། ། ཤིང་ནི་མཁན་དཀར་གསེར་མགོ་སྐྱེས། ། རི་བོ་དེ་ཡི་དབུས་ཕྱོགས་ན། ། ཤིང་ནི་དཔག་བསམ་ལྗོན་ཤིང་སྐྱེས། ། ཤིང་སྣ་དགུ་ཡི་དུད་པ་དང་། ། ཕྱེ་མར་ཟས་ཕུད་སྐོམ་དང་ནི། ། གཡག་ལུག་ར་གསུམ་གཟུགས་འགྲོས་དང་། ། དཀར་དམར་མདངས་ལྡན་ཤ་ཕུད་དང་། ། རྩི་སྨན་དར་ཟབ་སྣ་ཚོགས་དང་། ། རོལ་མོ་སྒྲ་སྙན་གདུང་བའི་དབྱངས། ། འདོད་ཡོན་མཆོད་པ་སྣ་ཚོགས་ཀྱིས། ། ཀྱེ། ཀུན་ཏུ་བཟང་པོ་ལ་སོགས་པའི། ། རྙིང་མ་རྒྱུད་པ་ཐམས་ཅད་བསངས། ། རྡོ་རྗེ་འཆང་ཆེན་ལ་སོགས་པའི། ། གསར་མ་རྒྱུད་པ་ཐམས་ཅད་བསངས། ། སྣང་བ་མཐའ་ཡས་ལ་སོགས་པའི། ། གཏེར་མ་རྒྱུད་པ་ཐམས་ཅད་བསངས། ། པདྨ་འབྱུང་གནས་ལ་སོགས་པའི། ། རིག་འཛིན་རྒྱུད་པ་ཐམས་ཅད་བསངས། ། ཕ་རོལ་ཕྱིན་དྲུག་ལ་སོགས་པའི། ། དུས་གསུམ་རྒྱལ་བའི་ཡུམ་རྣམས་བསངས། ། དཀོན་མཆོག་འབྱུང་གནས་ལ་སོགས་པའི། ། ཕྱོགས་བཅུའི་སངས་རྒྱས་ཐམས་ཅད་བསངས། ། མར་མེ་མཛད་ལ་སོགས་པ་ཡི། ། འདས་པའི་སངས་རྒྱས་ཐམས་ཅད་བསངས། ། ཤྰཀྱ་ཐུབ་པ་ལ་སོགས་པའི། ། ད་ལྟའི་སངས་རྒྱས་ཐམས་ཅད་བསངས། ། བྱམས་པ་མགོན་པོ་ལ་སོགས་པའི། ། ཕྱིས་ནས་འབྱོན་པ་ཐམས་ཅད་བསངས། ། རྣམ་པ་སྣང་མཛད་ལ་སོགས་པའི། ། བདེ་གཤེགས་རྒྱལ་བ་རིག་ལྔ་བསངས། ། ནམ་མཁའི་དབྱིངས་ཕྱུག་ལ་སོགས་པའི། ། རིགས་ཀྱི་ཡུམ་ཆེན་ལྔ་པོ་བསངས། ། འཕགས་པ་འཇམ་དཔལ་ལ་སོགས་པའི། ། རིགས་གསུམ་མགོན་པ… 1
The text above is adapted from the Wikipedia article “འཛམ་གླིང་སྤྱི་བསངས།”, available under the Creative Commons Attribution-ShareAlike 4.0 licence. 1
Universal Smoke Offering Day is Tibetan holiday, according to the structured record cited below. This entry was generated automatically from that record and has not yet been reviewed by a person familiar with the tradition. 2
The source record links this tradition to 1 external register, which can be verified through the citation. 2