Woerdz

The tradition & historical record

Woerdz isch es Festival für Spoken Word, wo jewyle z Luzärn über t Büüni goot. Es heisst ofiziel Woerdz – Das erste internationale Spoken Word Festival. ¹

Für s Festival, wo i de Joor 2014, 2016 und 2018 organisiert worden isch, het am Afang dr Verein Barfood Poetry gsorgt. Sid 2012 isch dr nöi Verein woerdz drfür verantwortlech; sid 2013 git’s au e Festivalleitig, do drfür isch d Kulturmanagerin Aline Pleth angaschiert. Am Woerdz trätte bekanti Persoone vo dr Spoken Word-Szene und au nöji Künschtler uuf. S Festival organisiert Büneprogramm, git Wärchufträäg und es macht Workshop. Und so tuet s hälfe, ass sech die Kunschtform cha wyter entwickle. I de Programm sind Poetry Slam, Luutpoesy, Lyrik und au musikalischi Lääsige, und es git no anderi, nöji Forme vo dr Sprochkunscht. Dr Hauptspiilort isch s nöie Luzärner Kulturhuus Südpol näbe dr Allmänd, a dr Arsenalstrooss z Chriens, wo anne 2008 uftoo het. ¹

Vom 17. bis zum 21. Oktober 2018 findt s Woerdz-Festival zum dritte Mol statt. Am 17. Oktober stoot 20 Joor Poetry Slam i dr Schwiiz uf em Programm; d Show wird vo de Hazel Brugger gleitet. Wärend em Festival wird dr Wetkampf U 18 Dichterwettstryyt duregfüert, wo für Schuelklasse isch. Und es wärde vo drüü Künschtlerduo Stück vortreit, won dank eme Wärkuuftraag zum Thema Zukunft der Sprache – Sprache der Zukunft entstande sind. Im Neubad z Luzärn git’s es Spoken Word für Chind ab 6 Joor. ¹

Website vom Spoken-Word-Festival Woerdz ¹