The tradition & historical record
3 min read · 2 sourcesE Heilig Grab isch en temporäre Kulissebau mit de Darstellig vom Heilige Grab z Jerusalem, wo Jesus noch sim Tod ine glait worden isch. 1
Gschicht
Christlichi Pilger, wo di Heilige Stätte im Heilige Land, also z Palästina (hüt Israel), go bsueche sind, händ s Bedürfnis gha, öpis vo döt mit z bringe oder dehai bildlich darzstelle, was si döt gseh händ. Di bekanntischt originalgetreu verchlinneret Nochbildig vom heilige Grab us de Grabeskirche isch s Heilige Grab i de Stadt Görlitz vo 1504. Aber scho vorher send i Chlöster und Cherche chlinneri Nochbildige erstellt worde. So zum Byspil i de Kapuzinerchirche vo Eichstätt (1160), im Münster z Konstanz (1260), im Chloster z Denkedorf usw. Wil e Nochbildig vom Heilige Grab rächt chostspilig gsi isch, häts a verschidnige Ort aifacheri Darstellige ge. So zum Byspil i de Zisterzienser Abtei Magerau z Friburg, wos e Heilig-Grab-True us de Mitti vom 14. Johrhundert git. Grösseri Holzbaute mit Kulisse sind denn im 16./17. Johrhundert, i de Barockzyt, richtig Mode worde. Wil s normali Volk vilfach weder läse no schriibe hät chöne, hät me uf so bildlichi und szenischi Darstellige zrugg griffe. Und so sind i villne katholische Cherche i de Karwuche Baute, wo s Heilig Grab darstelled, ufgstellt worde. Mitte 20. Johrhundert, dor d Liturgiireform vom 2. Vatikanische Konzil, isch de Bruuch vom Heilig Grab us de Cherche verschwunde. Vil vo däne, zum Tail künstlerisch wervolle, Bühnebaute sind dänn verbrännt worde. E paar sind im grosse Dachbode vo de Cherche (de Himmlete) versorget worde und vilfach vergässe gange. 1
Uufbau
Vil vo däne Heilig Grab bestönd us verschidne Kulisse, wo näbet- und hinderenand uufgstellt wärdet. Es hät en Mechanismus, wo bewirkt, dass wia vo Gaisterhand de toti Jesus im Grab inne lit oder äbe nümme. Bim Gloria i de Osternachtfyr isch de Uferstandnig Jesus dänn langsam i d Höchi zoge worde. Belüchdet hät me i de Aafäng mit Cherze, Talgliechter oder Öllampene. Hüt hilft näbet de Cherze au s elektrisch Liecht för e gueti Uuslüchtig. En spezielle Effekt bringed di farbige Grabchugle, wo mit Wasser gfüllt sind und dehinder e Cherzli brännt. Mängmol sinds au farbigi Grabschale, wo au mit Wasser gfüllt werded, i däne aber e schwimmends Liechtli brännt. 1
Neuzyt
Im Chorhärrestift z Beromünster wird es Heilig Grab us em 18. Johrhundert, wo 1999/2000 renoviert worde isch und mit 8 m Höchi s gröschti vo siner Art i de Schwiz isch, no regelmässig de Gläubige i de Karwuche zeiget. Au im Koblwald send bin ere Renovation vo de Cherche Kulisse vom e Heilig Grab vöre cho, wo 1951 s letschtmol im Iisatz gsi isch. Di mechanische Tail hät me rekonstruiert und i de Karwuche vom Johr 2012 da Heilig Grab wider uufgstellt und s hät chöne vo de Cherchgänger aaglueget wärde. 1
Weblink
Heiligs Grab z Altshausen - Alschhausa, Landchreis Raveschburg (B-W) Heilig Grab im Stift z Beromünster - Möischter, Wahlchreis Sorsi (LU) Heiligs Grab z Dietenheim - Diedehõẽ, Alp-Done-Kreis (B-W) Heiligs Grab vo Eyershausen - Stadt Bad Königshofen im Grabfeld (Unterfranken, Bayern) 1
The text above is adapted from the Wikipedia article “Heiliges Grab (Kulissenbau)”, available under the Creative Commons Attribution-ShareAlike 4.0 licence. 1
Altar of the Holy Sepulchre is a temporary altar erected in Catholic churches on Good Friday for the purpose of exposing the Blessed Sacrament, according to the structured record cited below. This entry was generated automatically from that record and has not yet been reviewed by a person familiar with the tradition. 2





