The tradition & historical record
4 min read · 2 sourcesLi grand feu, c' est on feu ki les djins do viyaedje fijhént li prumî dimegne do cwareme, et ki shuveut l' schiråde, u ptit feu. Mins asteure, i s' fwait tot do long do cwareme. Si on waite totes les uzances el Walonreye et ôte pårt sol Daegn, nos fåt lomer ç' grand feu la li grand feu ås brandons, po fé l' diferince avou l' feu sint Djhan, ki s' aloume li 24 di djun, et l' grand feu sint Mårtén ki s' aloume li 11 di nôvimbe. 1
Dujhances classikes do grand feu ås brandons
Li grand feu ås brandons est ene viye dujhance po fiester l' fén d' l' ivier et l' avnowe do bontins. C' est l' fén des longuès shijhes d' ivier, ki durnut, el Walonreye, do moes d' nôvimbe å moes d' fevrî. Li feu si fjheut todi al minme plaece, sovint so ene cresse do viyaedje, po k' on l' voeye did lon. C' esteut dandjreus la k' gn aveut on nîme do tins des Ancyins Bedjes. A l' anuti, li feu esteut aloumé på mwaisse djonne ome, udonbén på dierin maryî d' l' anêye, uco l' mayeur, ubén on priyî d' oneur. 1
Sipots et creyances a vey avou l' grand feu ås brandons
On dit tofer li spot: Å grand feu, les shijhes e feu. On dit les ôtes sipots k' on djheut ddja al schiråde: 1
A l' schiråde, Mareye k' est malåde / Å grand feu, Les shijhes e feu. Al schiråde, Hinri k' est malåde / Å grand feu, Hinri k' est djoyeus. Al schirêye, Pelêye madame / Å grand feu, Pelé monsieu. Al schiråde, Po les malådes / Å grand feu, Po ls amoreus. E sacwantès plaeces, on-z apoirtéve des vôtes å grand feu po n' nén esse magnî des moxhetes. Ôte pårt, avou les cindes do grand feu, on fjheut ene passêye. Les djins k' end atchtént les stårént so les tchamps po tchessî les rats et les soris, et aveur des bounès dinrêyes. On djheut eto: cwand on n' fwait pont d' grand feu, li Bon Diu l' fwait. Dj' ô bén: gn aléve aveur ene måjhon k' aléve broûler e viyaedje tins d' l' anêye. 1
Les set feus d' Nameur
A Nameur, on saye di fé set feus k' on pout vey e minme tins. Adon, on serè å rcoe des macrales et des grimancyins èn an å long. Eto les Namurwès aloumèt set grands feus so les hôteurs: onk a Boudje, onk a Bossîmé (hamtea d' Loyi), troes a Erpint, onk a Wépion et onk a Nameur, sol Citadele. Les set feus k' i fåt vey a Nameur rivegnnut dins ene tchanson e walon. 1
Vicansté di l' uzance do gand feu ås brandons
Li grand feu, come bråmint des viyès uzances, aveut cåzu disparexhou dins les viyaedjes del Walonreye dins ls anêyes 1970. Li pratike a rprins dins les anêyes 1990, avou sacwants candjmints: 1
Li grand feu si fwait purade on semdi, on djoû diferin di viyaedje a viyaedje, tot åd dilong do cwareme. Li grand feu divént ene shijhe avou del bire et del gote, et kécfeye ene coujhnêye, ki rapoite å comitî (fotbal, djonnesse, et tchik et tchak) ki s' end a ocupé. On n' a pupont broûlé di vîs pneus a pårti d' 1995, po dmorer nateure-amishtåve. On n' va pus ramasser des vîs åbes dins les bwès, mins on prind des trigus d' oujhene (paletes, evnd), u minme des schenes ki les djins ont d' trop. Li feu dmeure todi rascrovou avou des coxhes di sapén. 1
Les feus sint Djhan
Li feu sint Djhan u feu del Sint-Djhan, u fouwåd del Sint-Djhan, u feu sint Pire s' aloume al Sint-Djhan (24 di djun), u al Sint-Pire (29 di djun), dj' ô bén: å cminçmint d' l' esté, cwand les dinrêyes påtént. 1
The text above is adapted from the Wikipedia article “Grand feu”, available under the Creative Commons Attribution-ShareAlike 4.0 licence. 1
Grand feu is Tradition in Wallonia, according to the structured record cited below. This entry was generated automatically from that record and has not yet been reviewed by a person familiar with the tradition. 2





