The tradition & historical record
5 min read · 2 sourcesLa tradizion dal pignarûl, ven a stâi impiâ i fûcs par parâ vie lis maledizions, e je di origjin celtiche, leade probabilmentri al domandâ la protezion di Baleno, il diu dal fûc. Il Cristianisim al à conservât cheste tradizion che e je rivade fint tai dîs di vuê. In dut il Friûl, la sere dal 6 di Zenâr, o in chê dal 5 di Zenâr, a vegnin impiâts i Pignarûi, tassis di lens, fen, robe vecje e dut ce che si pues brusâ. In cualchi câs, parsore dal pignarûl e ven metude la figure di une femine, ispirade a la figure de befane, che però secont i studiôs e je une inovazion moderne, che cjape dentri altris tradizions talianis. Di dutis lis fiestis de tradizion dal Friûl, chê dai fûcs di Pasche Tafanie e je sigurementri la miôr conservade e la plui sintude a livel popolâr inmò in dì di vuê. La tradizion dai fûcs grancj di Epifanie si piert tal scûr di etis lontanis, leade a ceremoniis antighis dal timp dal solstizi di Invier, celebradis di ducj i popui da la Europe. 1
Usancis
Secont i studiôs di etnografie il significât di cheste usance al è dal sigûr propiziatori: i antîcs, dant fûc al simbul de viere vegjetazion, a domandavin ai lôr dius pagans di no jessi bandonâts a la scuretât e les criùris dal Invier. A domandavin che la Vierte, e cun jê la vite, a traviers il risurî de nature e podès tornâ a confuartâ la esistence dai oms. La preparazion dal Pignarûl e jere une incombence risiervade ai zovins, parcè che lôr a rapresentavin lis fuarcis dal rinovament de vite. Lis energjiis gnovis buinis di tornâ a meti in moviment il cors naturâl des stagjons, in aparince reiterât des fuarcis aviersis dal scûr e dal mâl. Valadì che i zovins a jerin la fuarce revenànt che e sarès buride fûr de cinise dal Pignarûl, cinise che di fat, e jere podaspò sparniçade pai cjamps come sconzûr. Ce che si veve di brusâ al jere ufiert di dute la comunitât, parvie che a jerin comuns ancje i efiets positîfs e i segns par strolegâ che si volevin rigjavâ. Par chestis resons al rituâl a cjapavin part ducj, parcè che il Pignarûl al profetave cuâl che al sarès stât il destin da la anade che e stave scomençant. In etis daspò, cul slargjâsi dal cristianisim, al scomençà a cjapâ part a chest acjadiment ancje il predi dal paîs, a significâ il ricognossiment de Glesie di un rituâl sigurementri pagan tes sôs origjins, ma masse lidrisât tes costumancis locâls par podêlu refudâ e aviersâ. Cussì il predi stes a voltis al impiave il tasson des cjanis di sorturc e di ramacis di peç e baraçâr. 1
Il Vieli e lis previsions
Cûi che al fâs lis previsions, il strolic, al è in diviers puescj il vieli dal paîs o dal borc o de famee che e fâs il pignarûl: di cualchi bande, cun fondis culturâls o tradizionâls influençadis dal sisteme mediatic, si associe cheste figure a chê dal druide, il sacerdot tradizionâl celtic. I viei a scrutinavin, e lu fasin ore presint, il davuelzisi dal fûc, la sô fuarce e plui di dut la direzion cjapade dal fum: di ducj chescj elements si varès di induvinâ cuâl che al sarà l'andament di dut l'an seguitîf, ancje se dispès i segns si pandin incierts, o ancje contraris tra di lôr. I mûts di dî tipics a son: 1
«Se il fum al va a soreli a mont, cjape il sac e va pal mont» par dî che al è di spietâsi un an di miserie; «Se il fum al va a tramontan, pocje farine e pôc pan» par dî che al è di spietâsi un an di miserie; «Se il fum al va a soreli jevât, cjape il sac e va al marcjât» par dî che al è di spietâsi un an di bondance; «Se il fum al va a la marine, cjape il sac e va a cjoli la farine» par dî che al è di spietâsi un an di bondance. Cussì a seconde di indulà che al va il fum, si pues fâ une prevision su cemût che al sarà l'an gnûf, ossei se si va, o mancul, incuintri a une anade che e promet ricolts bondants. Ma vuê la agriculture no rapresente plui un aspiet fondamentâl de economie dal Friûl, e inalore il Pignarûl al reste nome une manifestazion di folclôr, o miôr une ocasion mediatiche di doprâ come promozion dal turisim. 1
I nons ator pal Friûl
Chel di Tarcint, cul non di Pignarûl, al è il fûc rituâl plui innomenât. No pardut i fûcs dal dì de Epifanie a si clamin cul stes non, ancje se cheste peraule e je la plui doprade; par esempli inte Basse si puedin clamà Cabossa o Fugarela. E ancjemò il fûc al cuiste nons difarents, di lûc a lûc: Foghere, Fogoron, Fogaròn, Foghera, Fugarize, Panevin, Baraca, Casera, Medili, Mieli, Boreòn, Sèimo, Capon-Cavin. 1
I plui cognossûts
I pignarûi plui famôs dal Friûl e son: 1
Il Pignarûl Grant di Tarcint tal Cjscjelat Chei dai borcs di Paulâr (La Femenate) "'Le fugarele di Orçan'" [Orçan di Remanzas] La "Foghera tal Timent" di Perteade di Tisane 1
Viôt ancje
Epifanie 1
The text above is adapted from the Wikipedia article “Pignarûl”, available under the Creative Commons Attribution-ShareAlike 4.0 licence. 1
New Year's bonfires (Falò) is popular tradition in northeastern Italy and western Emilia, consisting of burning large piles of wood and branches in early January (usually on the eve of the Epiphany ), according to the structured record cited below. This entry was generated automatically from that record and has not yet been reviewed by a person familiar with the tradition. 2
The source record links this tradition to 1 external register, which can be verified through the citation. 2





