The tradition & historical record
4 min read · 2 sourcesA pastorada ye una representación teatral popular propia d'a provincia de Uesca que se caracteriza por o dialogo en verso que s'establece d'entre os dos personaches principals, que representan dos pastors transhumants (en a forma mas común un mairal y un repatán) de a montanya altoaragonesa. A pastorada s'ha representau tipicament ta la fiesta d'os lugars en muitos municipios en as comarcas de Plana de Uesca, Alto Galligo, a Ribagorza, Litera, o Semontano de Balbastro, a Cinca Meya, a Baixa Cinca y os Monegros. Encara que en antes d'a Guerra Civil heba estau muit común, en l'actualidat nomás se representa de forma regular en Capella y en a villa de Benavarre, en a Baixa Ribagorza, a on se recuperó en 1953 dimpués d'haber estau prohibida toda la post-guerra, y constituye un d'os actos centrals d'as fiestas y en Panticosa y en Yebra de Basa, en l'Alto Galligo, ta o 25 de chunio, fiesta de Santa Orosia. 1
Oríchens
As pastoradas tienen una orichen relichiosa, y gosan recitar-se ta fer-le honras a un santo, de regular o santo patrón de lugar, razón por a cual son un evento relacionau con as fiestas patronals y suelen representar-se coincidindo con o día d'o santo. Pareix que a orichen sería un canto votivo a favor d'o santo, a qui, en casos como en a pastorada de Benavarre (Sant Medardo), se'n saca la imáchen ta a carrera en rematar a misa patronal y se le'n recita adebant de todo el mundo. D'alcuerdo con o folklorista Ricardo del Arco (1888-1955), que estudió profundament a pastorada de Benavarre, ista orichen votiva ye a que determina que as partes inamovibles d'a pastorada (a introducción y a despedida) sian fixas, ya que son as solas que van especificament dirichidas y se recitan de cara a o santo. En a suya forma clasica, as pastoradas se representan en presencia de as autoridaz eclesiasticas y civils, clasicament o mosén y l'alcalde. D'alcuerdo con bels autors, as primeras pastoradas podrían haber-se desarrollau en o sieglo XVI u mas probablement a lo largo d'o sieglo XVII, pero no se'n tiene eixemplos documentaus dica la pastorada de Besians expublicada en 1738, o texto d'una pastorada mas antigo documentau en Aragón. As pastoradas pueden fer parte d'o dance u haber-se recitau, de forma tradicional, como evento deseparau. D'alcuerdo con bels autors, as pastoradas podrían estar a radiz d'a on dimanan os dances modernos. 1
Interés lingüistico
Anque as pastoradas naixón con forma votiva ta fer-le honras a os santos, ya dende as versions conoixidas d'o sieglo XVIII incluyen escenas humoristicas ta fer-las mas atractivas y entreneidas ta la chent, que s'intercalaban d'entre os actos propriament vocacionals con os cuals s'encieta y se remata siempre a obra. En iste aspecto chugan un papel important os dialogos d'entre o mairal y o repatán, que representan as clases mas baixas de a sociedat tradicional y con frecuencia dos personas foranas a'l lugar (sobre tot en as pastoradas de puestos mas ta'l sud, receptors tradicionals de a transhumancia). Clasicament y con a intención de reforzar a imáchen de ruralidat de os pastors no ye raro que as partes de dialogo que o repatán comparte con o mairal se representen en aragonés, u simplament con rasgos imitaus de os parlants d'aragonés u modismos que os naturals d'a localidat a on se representa la pastorada perciben como arcaicos u vulgars, como por eixemplo participios que rematan en -ato de l'aragonés central, y uso de l'articlo masculino "lo" (muit tipico en as pastoradas ribagorzanas). Manimenos o grueso d'o texto sia de gramatica castellana u en castellano con frases sueltas u rasgos puntuals d'aragonés. 1
The text above is adapted from the Wikipedia article “Pastorada”, available under the Creative Commons Attribution-ShareAlike 4.0 licence. 1
Pastorate is theatrical representation of medieval origin that faces the good and the original evil of the Aragonese Pyrenees, according to the structured record cited below. This entry was generated automatically from that record and has not yet been reviewed by a person familiar with the tradition. 2
The source record links this tradition to 2 external registers, which can be verified through the citation. 2





