The tradition & historical record
2 min read · 2 sourcesEl ramu Nadal (o ramu de Navidá) ye un ornamentu d'orixe paganu recuperáu nos caberos años[¿cuándo?] pel Nadal. N'Asturies, les presencies constataes más antigües tán en Cuñaba, Peñamellera baxa, Cangas del Narcea, ya Ibias. El ramu Nadal, tamién ta documentáu nes provincies d'Ávila, Cantabria, Palencia, Zamora, Salamanca y, especialmente, en Lleón, onde recibe´l nome de Ramu Llionés. La llocalidá abulense de Serranillos, al sur d'Ávila, aínda caltién viva la tradición del «ramo de navidad». 1
Aspeutu del ramu
N'Asturies, el ramu consiste nuna cadarma de madera de forma triangular, fechu con fueyes de texu, abetu o carrascu nel que s'alluguen 12 veles simbolizando los meses del añu. Del mesmu cuelguen estremaes ofrendes, como chorizos, rosquielles y frutes, asina como elementos ornamentales como filos de llana, puntilles, bordaos.. L'armazón principal sofítase nuna vara madera allugada verticalmente con una peana que fai de sofitu pa tola cadarma. Tamién, al pie del ramu, suel ponese un cestu con castañes o nueces. N'otres zones pue ser semicircular o cuadráu. 1
Historia
Los oríxenes del ramu paecen remontase a dómines precristianes, nes que'l ramu (entendíu como una caña d'árbol en sí) tenía un caráuter votivu como cultu a la fertilidá o como ofrenda a espíritus proteutores, y que se celebra nel solsticiu d'iviernu como preludiu de la primavera. Ye, poro, un símbolu paganu asimiláu pola Ilesia, seique al traviés de les pastoraes (pequeños autos de Nadal que se celebraben nos atrios de les ilesies en Lleón, Zamora, Salamanca y Asturies) y que anguaño tien sitiu ente les celebraciones navidiegues. 1
La tradición evolucionó del ramu natural a la cadarma de madera anteriormente explicada, dablemente por influyencia del tenebrariu esistente dientro de los templos parroquiales au inicialmente s'allugaben. Más tarde empezaron a allugase dientro de les cases, d'un mou asemeyáu al árbol de navidá. 1
The text above is adapted from the Wikipedia article “Ramu Nadal”, available under the Creative Commons Attribution-ShareAlike 4.0 licence. 1
Ramo leonés is recorded in open cultural data. The structured record cited below does not describe the practice, and this entry has not yet been reviewed by a person familiar with the tradition. 2
The source record links this tradition to 1 external register, which can be verified through the citation. 2





