The tradition & historical record
2 min read · 1 sourceVlöggeln is ne Tweantse tradisie wat met poasken edoan wörd duur de Poaskearls in t Tweantse pleatsken Oatmörsken. t Is ne Roomske gebuurtenisse woerbie op n eerstn en tweedn Poaskedag de Poaskearls nen roondgaank um de roomske koarke maakt. De Poaskearls beent 8 vriegezelle jonge roomske kearls, dee at t de komde 4 joar nog neet in t zinne hebt um te trouwn. Bie disn koarkumloop wörd t leed Rondgang om de Whene ezungn. s Nommedaagns begeent t echte vlöggeln. Hierbie goat de inwonners van Oatmösken met de poaskearls vuurop haand in haand in nen langn sliert dwars duur alle huuze en kafees hen noar t moarktplein, terwiel at oonderwiel um buurtn Christus is Opgestanden en Allelujah, Den blijden Toon ezungn wörd. n Eerstn en euldstn Poaskearl rookt hierbie ne segoare. Hiernoa wordt de wichter * dreemoal op ebuurd, woerbie at dree moal Hoera wörd erop. Dit verwis noar t Opstoan van Kristus. n Eerstn poaskedag wörd doarnoa s oawnds zo um half neegne de boake an estökn, woerbie at de Poaskearls ook wier anwezig beent. De euldste vermeelding van t vlöggeln is in n Oaweriesselsen Almanak vuur Ooldheed en Lettern oet 1840. Koarkhistorikus Paul H.A.M. Abels meant op basis van onderzeuk noar koarknotuuln en domiesanteeknings det t gebruuk oarngs tusken 1794 en 1840 ontstoan mut wean. Toch wördt dr vake dacht det t vlöggeln oet oertiedn zol stamn.
The text above is adapted from the Wikipedia article “Vlöggeln”, available under the Creative Commons Attribution-ShareAlike 4.0 licence.
vluggelen is easter procession in Ootmarsum, the Netherlands, according to the structured record cited below. This entry was generated automatically from that record and has not yet been reviewed by a person familiar with the tradition. 1
The source record links this tradition to 1 external register, which can be verified through the citation. 1





